Ուկրաինայի ազգային տոնի կապակցությամբ ՀՀ նախագահը շնորհավորական ուղերձ է հղել Պյոտր Պորոշենկոյին

930

Հանրապետության նախագահ Արմեն Սարգսյանն Ուկրաինայի ազգային տոնի՝ Անկախության օրվա կապակցությամբ շնորհավորական ուղերձ է հղել Ուկրաինայի նախագահ Պյոտր Պորոշենկոյին: Այս մասին տեղեկացնում են նախագահի մամուլի գրասենյակից:

Նախագահ Սարգսյանը մասնավորապես համոզմունք է հայտնել, որ հայ-ուկրաինական հարաբերությունների զարգացումը բխում է երկու երկրների ժողովուրդների հիմնարար շահերից: Նա բարեմաղթանքներ է հղել Ուկրաինայի իր պաշտոնակցին, իսկ Ուկրաինայի բարեկամ ժողովրդին մաղթել խաղաղություն եւ բարօրություն: